LO CARNAVAL
Lo Carnaval o Carlevar occitan mai famós es aquel dal Vilar d’Acelh, dich des Barbòeras, celebrat la darriera diamenja de Carlevar e la premiera de Quarèsma. Lo Carnaval, rei de la festa, es companhat da dui Arlequins abó una vesta blancha tota decoraa da ribans e cocardas coloraas, flors, espigs e autres símbols de fertilitat. Lhi dui lo defendon da l’enemia mai granda, la Quarèsma, en tenent en man un sabre e en fasent una dança propiciatòria. Lo second jorn de festa, quora la Quarèsma es començaa, lo Carneval ven processat e accusat de corrompre lhi joves, calenhar las fremas e gastar la tranquillitat: condemnat a mòrt, es fusilat, mas es destinat a renaisser après un an.