LO CHAMIN OCCITAN-CATALAN
Lo Chamin Occitan-Catalan vòl unir, sus un solet trach, lhi mai significatius monuments d’etat romànica o romànica-gòtica des regions mediterràneas istòricament segnaas da la difusion de la lenga e de la cultura occitana e catalana.
Es un lòng e extraordinari viatge dai Pireneus a las Alps qu’en partent da l’airal catalan traversa lhi luecs de l’eresia càtara albigesa dins Midi Pireneus e Lengadòc e percor la Provença per arribar finalament a l’extrèma frontièra orientala dal monde occitan, sus l’autre versant des Alps, dins las Valadas Occitanas d’Itàlia.