«CORRENTA E BALET»
Sovent las danças occitanas an significats e valors que van al de lai dal simple bal. La borea, que navisa las danças balcànicas, es típica de la Gasconha, e coma lo rigodon a un caràcter de dança de guèrra e seduccion; per contra lo ròndeu era en orígina una dança sacra. La farandola, dança provençala per excelléncia, portaa dai Fenís dins lo VII sègle a.C., era dançaa un bòt masque da lhi òmes. Aquesti formavon un serpent dal moviment sople e circolar, símbol de fertilitat. Las danças típicas des valadas d’Itàlia son la correnta, naissua das danças de la Renaissença, e presenta abó passes diferents dins chasque vilatge, e lo balet, decò aqueste abó esquèmas totjorn diferents.