OCCITÀNIA E OCCITAN
Occitania, l'occitan son de creacions modèrnas?

Los mots «Occitania, occitan» son atestats al sègle XIII, dins los escriches de la Cancelariá del Rei de França, e lor emplèc serà tornamai popularisat al sègle XIX jos la fòrma «occitanique, occitanien» (cf. la publicacion de H. de Rochegude "le Parnasse occitanien" en 1819) per se generalizar al sègle XX.

Qual parla occitan?

Òm pòt estimar a qualques 3 a 4 milions de personas los locutors occitanofòns naturalsa l'entrada del tresen millenari. Se la màger part es d'origina rurala e a mai de 50 ans, òm vei grelhar dins las vilas, una novèla generacion de joves que tòrna trobar l'occitan. Per çò qu'es de la compreneson de la lenga, en referéncia a d'unas enquistas, se pòdon avançar de chifras de 6 a 7 milions de personas.