OCCITÀNIA QU'ES AQUÒ?
Occitania qu'es aquò?

Occitania es pas un Estat nimai jamai o foguèt vertadièrament, es un espaci cultural e linguistic d'Euròpa que dempuèi mila ans a per lenga naturala estacada a son territòri una lenga romana que se sona l'Occitan.

Quina diferéncia entre lo «patés» (o «patoès») e l'Occitan?

En oposicion al Francés lenga d'Estat, lo mot «patés» es tèrme pejoratiu que designa una lenga o un dialècte que son pas oficials, aquel mot foguèt popularisat al moment de la Revolucion francesa, dins lo projècte de l'abat Grégoire per "l'anéantissement des patois". Lo mot Occitan permet de parlar de la lenga dins sa globalitat e amb tota sa diversitat, mas en Occitania lo que parla «patés» parla occitan.