LO "BEATUS"
Dapè de la meravilhosa catedrala de Santa Maria, se tròba un bèl museu diocesan que garda un di mai grands caps d’òbra de l’art mossaràbica: un manuscrich dal X sègle, coneissut coma lo Beatus , dal nom dal monge que n’en realizet la còpia e lo faset arribar fins al jorn d’encuèi malgrat quarque problèma: foguet decò raubat dins lo 1996, mas urosament retrobat. Es una extraordinaria succession de visions inspiraas da l’Ancian Testament e da l’Apocalipsi de Sant Joan: estonants lo Jutjament Darrier e la Vision de la Glòria, coma las Quatre Bèstias Apocalipticas, meravilhosas e terriblas.