DINS LO CÒR DI PIRENEUS
Classaa da l’UNESCO coma Patrimòni Mondial de l’Umanitat, la Val de Bòi se tròba dins lo còr di Pireneus, sus lo chamin qu’unís la Val d’Aran a Lérida. Las pinturas mai interessantas son aquelas de Tahull (Glèisas de Sant Climent e de Santa Maria). Autras, pas mens bèlas, se tròbon dins la glèisa de Sant Joan de Bòi. Tuchi e tres son extraordinaris exemples de pinturas romànicas, visiblas encara dins lo luec originari que garda de bònas còpias. Lhi originals de fach son estats transportats dins lo 1922 al Museu de Barcelona per lhi protegir dai merchants d’art que dins aquel temps passavon al sac la region. E lo fenòmen, malurosament, continua.