per 6 personas
- 1 quilo e mes de trifolas
- 1/2 quilo de toma frescha de Blins
- 1 uòu
- 1/2 quilo de farina
- 2 culhiers d’uèli d’oliva
- 2 etos de burre
- 1 eto de crama
- sal



Còire las trifolas, l’esquichar e mesclar abó la toma. Butar tot sus la tornoira, far un cercle, ajontiar l’uòu, l’uèli, la farina e impastar fin que la pasta ven còtia. Aranjar ben l’empast e talhar-lo de travers abó la redoira. Far de tranchas espessas 3 cm puèi rolar-las coma de gricins de 2 cm. de reond. Entemenar lhi gricins a pichòts toquets e raviolar-lhi abo lo palma de la man, un après l’autre, en espovrinant ben la ternoira de farina. Chal que las raviòlas sien pas mai lònjas de 4 cm, 1 cm de reond, e qu’aien lhi dui soms ponchuts. Quora las raviòlas son prestas campar-las dins lo peiròl d’aiga bulhenta. Un viatge cuèchas las raviòlas venen a gala: ramaçar-las abo la caçoloira, butar-las dins una grala, far chantar lo burre e condochar-las.