"NIDUS HERETICORUM"
“Nidus hereticorum” foguet Rocavion, e decò Coni, dempuèi que Crosats e Inquisitors chaçaron càtars e valdés da las tèrras dal Lengadòc. Per quarque estudiós, Rocavion foguet fins lo cròs legendari de l’eresia: d’aicì seria partit Marcus, lo premier evesco de la glèisa càtara italiana que prenguet part al Concili de Sant Felìs de Lauragais. De segur Rocavion era plaçaa sus lo chamin mai frequentat da aqueli que s’escapavon, lo Còl de Tenda. Di Anselme d’Alessandria: « ad Rocavien, et est locus apud Cuneum, ubi stabant cathari qui venerant de Francia ad habitandum ». Càtars e Valdés fogueron donc ensemp dins la persecuccion e se retroberon sus lhi mesmes chamin d’exili. Un di raires textes càtars, lo manuscrich de Dublin, foguet d’autre cant retrobat pròpi dins las valadas occitanas d’Itàlia, dins lhi arquivis de la Glèisa Valdesa.