GUILHÈM BELIBASTE
Dins la region de Cervera Guilhèm Belibaste, darrier di “perfiechs” càtars coneissut, passet lòngs ans d’exili e predicacion. Belibaste foguet un òme simple e bòn que cerchet totjorn de viure sensa pechat e sovent lhi arribet pas. Mas renonciet jamai a sa fe, e per pas abjurar arribet a murir sus lo fuèc a Villarossa-Termenés, dins las Corbieras. Belibaste n’en sabia gaire de teologia. E pregava benlèu abó aquestas simplas paraulas de la solèta preguièra càtara.

« Peire sant Dieu dreiturier dels bons esperits,
dona-nos a conoisser ço que tu conoisses,
e a aimar ço que tu aimas. »