PINTURA E MINIATURA
Granda part des òbras de pintura se tròbavon dedins las glèisas, que dins aqueli sègles eron totas pintaas de diferentas colors, abó un effecte qu’encuèi esquasi arribem pas a imaginar. Las figuracions arribaas fins a nosautres an una partia de causas en comun abó l’estil de l’escultura: decò aquì estilizacion, abstraccion, e preferéncia dal simbòlic al naturalistic. Las miniaturas di manuscrichs son un autre exemple de la creaccion romànica. Sovent rafinaas e preciosas, an argoments ben diferents e son un miralh de tot çò qu’era coneissut dins l’Etat Mesana. Decò aquì, lhi argoments mai frequents son las vidas di Sants e las istòrias bíblicas, mas lhi a decò mai qu’un arsòn a las questions teològicas dal temps.