TOTJORN DIFERENTA MAS FIDELA A SON ESTIL
La difusion de l’art romànica sus un grand airal geografic pòrta a nombrós adactaments estilistics (i a de diferéncias entre lhi edificis de Normandia o de Borgonha, de Lombardia o de Toscana, e particularas sarèn totjorn las construccions cistercencas). Totun, lo Romànic gardarè dempertot son espirit ùnic. Sobretot, malgrat la molteplicitat de lhi edificis, grands o pichòts, que lo rapresenton, una causa resta parelh dempertot: la qualitat de l’arquitectura es totjorn auta. Da la mai simpla chapèla alpenca a las immensas abaïas des vilas, chasqu’una es pensaa e traitaa coma òbra importanta, chasqu’una es un pichòt cap d’òbra charjat d’emoccion, que sai encara donar, malgrat lhi sègles, inspiraccion e intimitat.